يالفرود روح ولا لك دور=أنا اشهد إنك معنيني
شايب ومرت عليك اعصور=في كل ليله تسريني
كحه وزكمه على الدكتور=نفحص وندفع لك الديني
وعقب السنه نكشف المستور=إنك مورد من الصيني
والله لبيعك على المثبور=لو الخساير تباريني

العام يوم الحفر ممطور=في كل ليله مسريني
دايم على خطنا المذكور=وليا استوى الخط تعطيني
صابر على البهذله والجور=صابر على الزين والشيني
واليوم ماقلت لي مشكور=ارخصتني وانت شاريني
حطيت بيني وبينك سور=عقب الغلا ماتدانيني