فالحقيقه شوفتك فرصه سعيده = مدلي يمناك ومن العايدين
ياعسا ربي عليك يعيد عيده = وانت سالم من صواديف السنين
انطوت كل المسافات البعيده = لين صرنا بالخطا متقاربين
وقلبك اللي يجري الحب بوريده = عارف احساسه قبل لاتنطقين
وقلبي اللي بالوفا زايد رصيده = لاتلومه لو طلب تسديد دين
كان ودك نبتدى صفحه جديده = لاتنبشلي عن الجرح الدفين
ماخبرت انك على كبدي لهيده = بس اعرف انك دوام تعاندين
وماعسفت من المهار الا العنيده = وماقنيت من البكار الا السمين
ومانقيت من البيوت الا الفريده = وما خذيت من الزمان الا الحنين
وكان قصدك ان ماضينا نعيده = وش يعوضني عن العشر السنين