لاوالله الا راح روس الشعر بيض=جاه البياض وراح منه السوادي
راح الربيع وحال من دونه القيض=ونقول عادي واثر ماهو بعادي
العمر لامن راح مافيه تعويض=ياشيب عيني يالسنين الجدادي
شياً يروض قاسي الراس ترويض=ويكبح جموحه مثل كبح الجوادي
قدمت لياماً مضت لي معاريض=يومن راسي منترس من عنادي
اخذت مع عجة زماني مراكيض=قبل السموم يحل عقب البرادي
لكن زماناً نقض الهم تنقيض=ياكثر مافرح كبود الاعادي
يقطعك ياوقتاً عيونه مغاميض=يدير موجاته سوات الروادي
عزالله انه بيد الحيل يامعيض=يمشيبه اللي يعرف الدرب غادي
ياكبر شرهاتي على ايامي البيض=والا على باب الكريم اعتمادي