لاتقول خابر وماني قايلً فاكر = الله يسامحك وأحنا الله يسامحنا
تعال قرّب وننسى الأمس من باكر = ولا تخاف ياصاحبي وأحنا كما أحنا
ماجيت في حيكم لجل أني اجاكر = ولاجيت لجل اجرحك لوكنت جارحنا
طيبك ترى سابقً ماني لكم ناكر = ميّر البلا طيبتي ماهي في صالحنا
انا معك وافيً ماني معك ماكر = فضفض وقول اللي في صدرك و صارحنا
ان كان من سبتي جوك ضحى عاكر = انمد جنحاننا ولاعاد تلمحنا
ان جيت مرحب هلا ومقدر وشاكر = وان رحت ماظنتي فرقاك يذبحنا
لوكنت انا والهوى والشوق فمعاكر = مانلتفت يمكم روح وريحنا
خلاص في حبنا راسب ولا تذاكر = غيرك ترى فالهوى جبنا ونجحنا