والله ماني عن مرادي امصدي=والنفس ماترغب مرام بداله
مير البلا جرح بقلبي مندي=مبطي وصدري بين الاضلاع شاله
تجري بي الدنيا على غير ودي=حتى عرفت انه هناي استحاله
هذا زمان واقف لي تحدي=وعن شمس وقتي مايظلل ظلاله
واصبح زماني طول الايام ضدي=صبري عليه اليوم فاق احتماله
كم لي وأنادي للفرح مايردي=وعن دنيتي اصبح بعيد مناله
يعوضني رب كريم بغدي=سبحان من يعطي حزين سؤاله
عسى الولي قدام ينباح سدي=يجلى هموم الوقت رب الجلاله
الحظ مدري كيف صار متردي=الله يبدل طيحته باعتداله
لاجل الهنا مديت للوقت يدي=وبالهم صارت مدته لي نذاله!!