بسم الله الرحمن الرحيم

"

السلام عليكم ورحمة الله وبركاته

"

من جديدي قصيدة او ابيات بعنوان ( صقر العروبه )
وفي مقام خادم الحرمين الشريفين مهما كتبنا من قصايد لم نوفيه حقه فهوه حاكمً عادل وسيف الاسلام وناصر السنه وكريمً وجوادً اطال الله عمره وادامه للاسلام والمسلمين
واتمنا ان تنال رضاكم



.

ياالله ياللي فارض الحج والصوم = يامّرسل محمد نبيً بالاسلام
ياهازم الأحزاب يامفرق القوم = ياعالمً وش داخلً جوف الارحام
ارفع يديّ ودعيّك ياحيْ قيوم = أن تكفنا من فتنت شرور الايام
حنا في وقت العولمه لعبة الروم = بالفيّس بوك والنت وحروب الاعلام
ينعق غراب البين مع طاير البوم = وغاصت شعوب العُرّب في بحر الوهام
طاح النظام وصارو احزاب وخصوم = ونار الفتن شبة وثارة باللغام
الشعب لاحاكم ولاهو بمحكوم = وكم دولةً للعُرّب من دون حُكام
والجدر ماله ظل لاصار مهدوم = والبيت مايحمي وهو كومة حطام
والسيف مايبتر ليا صار مثلوم = والخيل ماتعسف بلا سرج ولجام
والحر دون جناح فالجو مايحوم= وعٌمر الاماني ماتحقق بالاحلام
مكتوب فالقران والأمر محسوم = لاعزّةً للعُرّب من دون الاسلام
انا اشهد ان الدين واضح ومفهوم = ميّر البلا من ناس بانت من العام
تلبس لباس الدين والدين معصوم = من ناس تعّبد للقبوره والاصنام
انشاهد الصورة ونسمع على علوم = بانت نواياهم بعد موت صدام
بغداد صارت في كنفهم من رخوم = اللي حكموها بعد ماتم الاعدام
ضحْكو عليهم فرّس لادين وسلوم = وباعو لهم بغداد واليوم خُدام
وفارس لها اطماع وامال وحلوم = طمعو في بحرين العروبه مع الشام
وهيهات ياماجوس مادام زيزوم = خادم بيوت الله حيً ومادام
احلامكم ابعد عليكم من نجوم = رد المنامه والمحرق بعد حام
صقر العروبه ردها قال مرسوم = لك يوم يابشار والوعد قدام
ماتخاف ربك ولابعد قلبك رحوم = قتلت شعبك صرت حاكم على ايتام
مادام ضلّامً ولادام مضلوم = لوطال ضلمك يوم وشهور وعوام
لابد ماتنهار ولابد لك يوم = تندم ومافاد الندم عظ البهام
صقر العروبه ياعسا عمره يدوم = يبقا لنا اعوام واعوام واعوام
شعب السعودي عاشقه عشق مغروم = له الولآ صدقً ماهو كذبة افلام
انا شهد انه قرم عاهل على قروم = حاكم عدّل فالحكم يرتاح لا نام
وشعبه يبيع الروح من أول السوم = لجل الواطن والدين ومن شان درغام