المشاركة الأصلية كتبت بواسطة أبن وازن

أبن وازن =
سلام ثالث لليالي العيد = يسابـق اشـواق تسريبـه
يا أيمـن الفـن والتجديـد = فالقيل نجمـك ونمشيبـه
هزيم الرعد =
بأحلى الليالي عساه يعيد=ترحيب وافي فترتيبه
وأهل المثل بالشموع تقيد=وإنته وانا من معازيبه
أبن وازن =
فدرب الوفاء مالكم تحديد = كريم ومديتلي طيبه
حرفك يطيعك حسب ماتريد = وبيت المعاني لنا تجيبه
هزيم الرعد =
تبقى على الطيّبة ما تحيد = لـــك الـغــلا وإنـــت تـدريـبــه
أنـا عـن أمثالـكـم مــا أزيــد = قــــــدام فــالــقــول تـبــديــبــه
أبن وازن =
كل ما نويت البعاد يزيد = الود فالقلب تلهيبه
أسرح معه بعذب التنشيد = لحظات ويعود تعذيبه
هزيم الرعد =
ما ود سالم مـن التنكيـد = مـا بيـن صــدّه وترحيـبـه
تصدح مع البلبل الغرّيـد = ياكيف تنسى مطاليبه ؟
أبن وازن =
العين تزهد من التقريد = مابين بعده وتقريبه
راعي الهوى مستحيل يهيد = وهل ينفع الود ترهيبه
هزيم الرعد =
لو الهوى فالضمير يبيد=ما ضرّك اليوم تصويبه
واسعى فودّه عساه يفيد=باللي يصفّي مشاريبه