|
|
مزون الأحمدي
سلام فأول سطر تقراه == مني مع أسمى تحياتي
أنتم رجال الوفا وحماه == وأنا ترى الطيب عاداتي
عمار الأحمدي
ترحيب 00 للطيبه مسراه = بالورد ارسلتها ابياتي
على الصفا و الكرم مبداه = هاتي من الطيبه هاتي
مزون الأحمدي
تبقى ومنك الوفا شفناه = ياعزوتي فالصعيباتي
نظرة ومنها أجر الآآآآآه = مايوم هزتك آآآآآآآآآهاتي
عمار الأحمدي
لازلت محتار من شكواه = اللي شكى من معناتي
واللي مضى فالحياه انساه = من طيبنا تكسب الاتي
مزون الأحمدي
مابيننا يالعقيد أقضاه = تسمع حكم في مداعاتي
دورت قلبي عجزت ألقاه = متهوم ..وعندي شهاداتي
عمار الأحمدي
قلبك دليلك وش الي جاه = من جور من هم ما فاتي
الله يعينك على بلواه = يلي تبعت المقفاتي
دعواك ماظنها تشقاه = ولا تفك درب الملفاتي
يامزون لا تتبعه اجفاه = مهما بعد فالمسفاتي
|