ياجمل مخاليق ربي وانتي اغلاها =اغلا مخاليق ربي وانتي اجملها
اول مشاريه عمري وانتي اتلاها= اتلا مشاريه عمري وانتي اولها
اطول مسافات دربي وانتي ادناها=ادنا مسافات دربي وانتي اطولها
اقصى طموحات نفسي تكسب ارضاها=وادنا طموحات نفسي ماتزعلها
ماكنت اعرف الهواء والحب لولاها=وماكنت اقول القصيد الا بخصايلها
كل المزايين مايسون ماطاه=احطها بذمتي وانا اتحملها
يمين لنسى حياتي قبل منساها=ولاعندي احداً بهالدنيا يعادلها
سبحانه اللي فرقها يوم سواها=اللي على غيرها بالحسن كملها
وصايف الحسن توخذ من تهاياها=وباقي تواصيفها ماني بقايلها
الله عطاها جمالاً لينه ارضاها=والله عطاني غلاها قبل اقابلها
لامن عيني ظلام الليل قزاها=نامت على صورتاً دائم تخيلها
الصوره اللي بعيني دائم القاها=اعيدها في خيالي وأتأملها
اكتب حروف الغلا بالصدر واقراها=اربع حروفا لطيف الروح قابلها
والكلمه اللي بعكس الشح معناها=الله هو اللي على الاخرى مفضلها
ياجمل مخاليق ربي وانتي اغلاها=الجمله الناقصه وشلون اكملها