السيد ابو بتال=
سلام يا سرور وانت سرور=بعد اللحن هاضت حروفه
جيت اشتكيلك من الهامور=حوّش على السوق بكفوفه
سرور بن بريك البشري=
ترحيب يكشح فوجهك نور=درب السنع منه بتشوفه
ولاني مقيّس حسن ناقور=ايديه فالسوق مكتوفه
السيد ابو بتال=
يا جبر كسري وانا المكسور=وهــــــــذاك طــــربــــان بــدفـــوفـــه
ولـو كـان للواسطـه مــن دور=قـومــت لـــه جـيــش بـصـفـوفـه
سرور بن بريك البشري=
كـسـرالـعـظـم يـجــبــره دكــتـــور=وغــنــاك يـامـزيــن وصــووفــه
وكسر الخواطر ماهو مجبور=وهـــذاك وش لـــك بـغـطـروفـه
السيد ابو بتال=
بنساير الوضع بالمقدور=والسيل نبعد عن جروفه
لكن خوفي منه لا يثور=وان ثار بنكسر كتوفه
سرور بن بريك البشري=
لاتشوش البث يامستور=وانته مساعيك معروفه
دربل معي زين بالناظور=جالك جوابي فمظروفه