مايكشف الرجال غير المواقف = وحسب المواقف ينعرف كل رجال
ماكل جذع(ن) ثابت(ن) بالعواصف=ولاكل جذع(ن) هش بالعاصفه مال
بعض الرجال بروحها لك تجازف = لجل الشهامه تبذل النفس والمال
والبعض منها للشهامه يخالف = لجله نذل لاشك من زمرة انذال
الناس فيهم عالي(ن) بالمشارف = كمن فيهم واطي(ن) دون منزال
فيهم مجّرَب وافي المد عارف = هذاك يضرب فيه من زين الامثال
وفيهم مذبذب غير هرج وسوالف = ولاجا نهار الضيق ماعنده افعال
يُحكم على المخلوق بعد التعارف = ومايكشف النيه ترى غير الاعمال
ومن قدم البيضا وللخير والف = يلقى نهار الشمس في جوه ضلال
ومن يحبس المعروف ضد المعارف = لا يشتكي لا غاب عن ليله هلال