المشاركة الأصلية كتبت بواسطة مساعد الجليدي

السلام عليكم ورحمة الله وبركاته
اهدي لكم هذه الابيات عسى ان تنال عجابكم

يابـعد ريــم الـفـلا عـن حـي مـيّامه=اقـصى مداهـيلها وادنـى مــفـالـيــها

من جال خوعاء على سنّار والشامه=سـبحان مـن يفـرق الديره وراعـيــها

عــسى سـحاب الوسـامي مـقدم ايّـامه=تمطر هـمالــيل وبــله ليــن يــرويها

دارٍ سـهـجها غـظيظ العـود بااقــدامه =احـبها مـن قــديم الوقــت واغــلــيها

وجدي على شوفة المجمول ووشامه=باالسنّه اللي علي الدين يـمليها

عـن غيره الـنفـس يامشكاي صوّامه =والعــيـن مـاتـلـفـت في غـير غالـيها

القـلب غـاية هــواه وسـدرة احـلامه =لامـا هــنوفٍ يـسر الـحــال طاريها

جدعان ذكّـر عــليّه سـالف اعوامه=يوم الحضاره ولـيـفه ماشــقى فــيها

يمشي على ساقـته خمسة عشر قامه=يمـسي ويصبح على وجهة حراويها

يسوق عمره وحوض الموت قدّامه=مثـله جرالي وسبت الرجل محفـيها

الجـرح من بعـدها ماتـبري اسـقامه =وجـروح بـعـد الولايف مـن يـداويها



التوقيع نديم الجود