حرفي يسريني مع مغرب الشمس=أسامرة مابين فتل ونقيضي
مرة يهمس الواقعي بالخفى همس=ومره بعيدٍ بارقه لي ينيضي
يوم اكتبه يجلى عن الخاطر العمس=يزيح عن قلبي الهمٍ مهيضي
همِ جديد وهم مبطي له الرمس=مثل السحاب اللي بتال النفيضي
امطر برد في خافقي وحمسه حمس=مامن ربيع ولايفيد بمقيضي
حتى غدا يومي مثل يوم قبل امس=انجض فؤادي من جحيمه نجيضي
في جرحه اللي مخطرٍ دون مالمس=ودموع عيني عند ذكره تهيضي
لولا الرجا في واحدٍ فارض الخمس=ان كان ماكفت دموعٍ تفيضي
ارجيه يطمس هم الايام لي طمس=في فزعته جلا جلاله يعيضي