المشاركة الأصلية كتبت بواسطة سرورالبشري

المثل=
ما بين واجب ،، وجائز لو=نـأخــذ دقـائــق مــــن الـسـاعــة
ســـــلام يــوقـــف لـمــنــه جــــــو=يوقف على السمع والطاعة
سرور البشري=
واجـــب نـــرده لـمـنـه تـــو=سـلـم ويـامـزيـن اطـبـاعـه
ترحيب ماينطفي له ضو=حـي المثـل حـي ابـداعـه
المثل=
خـيـال حـرفـك اخـذنــي جـــو=مسـرور قلبيـى مـن اقلاعـه
مـــدري بنـكـسـب مـعـاهـم او= نلقـى الخسـارة مـن بضاعـه
سرور البشري=
سهيل ساطع و شامخ نو=ملفت للأنظارمطلاعه
وسعر الذهب فوق زي ماهو=واللي مخسر منبتاعه
المثل=
وسـط الفضـاء نجومنـا تاهـو=داخــــــل مـــجـــرات مـلــتــاعــه
فالـنـت ، والـشـات ، واليـاهـو=القـلـب ينـشـد عــن اوضـاعـه
سرور البشري=
كم ودنا نقلك برافو=لكنه الحرف لساعه
زينة جماله وفحواهو=لم تتضح لي يصناعه
=المثل
احبابنا فالسماء حلّو=مثل المصابيح لماعه
ياحرف فيك الحلى حلّو=اهل المثل ذاقو انواعه
اليوم اهل الصفى ولّو=والساس ابعد عن افراعه
ولفــراقهم فالحشا خلّو=نار الجفى تحرق اضلاعه
زبدة سؤالي عنه جلّو=كيف المثل سيدي باعه؟
وختامها يالملا صلّو=على الرسول الذي طاعه
سرور البشري=
لااقول ناموا ولا فاهو=ولااقول خلوه شماعه
حرف المثل فيه ما راعو=اللي لهم نفس طمــاعه
يوم ابحروبه عنه تاعو=فبحور مال امها قاعـــه
انقظ من اعلاه لأدناهو=حتى لقى الحرف مصراعه
واهل المثل فيه ما ماتو=لمنه بــينصاع فزاعـــه
والي بلا عرف تنعاهو=كل يوم والناس فنزاعه