ياللي تحسب إن الخطا منك ما صار=حسّ بفؤادي وإنت تعرف عذابه
لحظه وحاول وإقترب داخل الدار=وبتشوف قلبك كيف سوى غيابه
كيف الغياب اللي نوى دون يحتار=يزرع بذور الحب..جور وكآبه
يسقيه بالدمعه ويرميه بالنار=كنّه غدى ما بين حرب وعصابه
اليوم عندي يساوي سنين واعمار=واليوم عندك يبتدي في ذهابه
اعطي لك الحجه لو البعد بأمتار=واقول باكر فيه بلقى جنابه
ويمر باكر ..بعد باكر والاقدار=ويضيع منك الحرف نطق وكتابه
شفني كذا حالي مع الوقت بأعذار=والحين راح العذر مابه إجابه
قلبك لقى فرقى وقلبي لها اختار=دامك قويت البعد..تقوى شرابه
ذوق الالم والخوف ذوقه على ثار=بتشوف قلبك كيف يلقى حسابه
وإلا اقول ..إنسى..خساره بك اشعار=حتى القلم وياك عاف الكتابه