ياللي بترطنلي ولاادري وش تقول = الحض جابك مـن ديار الخـواجه
ليه ثلاث ايام انا اصـول واجول = ازريت لا القا لي صبي ياخواجه
وانته تمشالك على العرض والطول = ماهو بكيفك يوم صـار المواجه
عينت بغـداد الحبيبه وكـابـول = اللي اهلها من سواتك هجـاجـه
اطلع بخشم الفاس والعلم مفتول = ماعـاد فيها ياخواجـه مماجـه
انا بدوين ماتعلمت فـي سكــول = لاكــن والله مـا نحــب العواجـه
ماعاد به كيكـن وبارد ومعمـول = اشـرب من الوادي وقدمك هماجه
مدام صـرت اليوم عندي ومكفـول = الميسم الحامـي لمثلك عـلاجـه
بعطيك سيـاره ومـن دون بتـرول = ام المرايا والبواري لجـاجـه
خلك ورى المعزى ولا تكثر القول = والضان لا تضـوي علينا نهاجـه
والذيب عطه البقس ولياه منطول = راع البطوله ما يطفـي سـراجه
واياك لو حافك من الربع جندول = وانته مقصـر فالعمل يادجـاجه
والله ليغديبـك ولتـروح فتبـــول = جندول مثلي له فالاموال حاجـه
انكان تبغالك من الصرف مدبـول = حـذري البديوي لا تعكر مزاجـه