سـرور بن بريك الـبــشــري =
سؤال ياصاحبي مـاراح=اعـيـد والله تـكـراره
الصقر وش حيلته لاطاح=ياصقر فشبـاك صقـاره
خالد بن عبيد الاحمدي=
جواب لاجـاك باترتـاح=مرسله صاحبك من داره
ماكل صقّار شال اسلاح=ياصل لشيهان بوكـاره
سـرور بن بريك الـبــشــري =
لاشاف فرخ الزراجي ناح=قيسَ بيشبـع بمنقـاره
حول وحبل الشرك جرّاح=امثقلـه زيـن صقْـاره
خالد بن عبيد الاحمدي=
طير القطا يغنمه سوّاح=مايحسب احساب للشجاره
وصقر وعيّره قوي ياصاح=وفالناس يامطيّب اخباره