من انت حتى نستمع لنتقادك=مافيك عرف ولانبيلك نصيحه
لو ان عندك عرف يمديه فادك=خذها على ماقيل مني صريحه
عادك على دروب الرياجيل عادك=في خانت (المترديه والنطيحه)
يوم اظهر السانك خفايا فؤادك=اثره صحيح الهرج له نوب ريحه
وتبغا تعرف الهرج ذا ويش زادك=في ذمتي مازدك الافضيحه
لاترثع بعفشك وتقطع قيادك=اطويق لو حاولتبه ماتزيحه
ان طعتني ريح ونزل شدادك=مثلك اليامن طاح قالوا مطيحه
اعلن على يوم المعرفه حدادك=انته ومعك من المهبل شريحه
لايغتشي بياض يومك سوادك=ولاتتعب اقدامك وراء كل ضيحه
جاهدك ربك ويش نبي في جهادك=العقل فارغ والمعرفه شحيحه
اسمع وكاد العلم وترك وكادك=والهرج يكفي عن كثيره صحيحه