ابن عاقل=
ياقلب خلك مـن الـي راح=وانسـى لياليـه واحزانـه
يمكن لقي غيركم وارتـاح=وانتـا تشقـى علشـانـه
حميد البلادي=
لاتعـذل القلـب ياجـراح=اللـي تعـلـق بخـلانـه
بد يقفى الظـلام اصبـاح=وينسى عذابـه وهجرانـه
ابن عاقل=
طال الهجر واثمـر التفـاح=والورش في عالي اغصانه
والبعـد يامهجتـي ذبـاح=يتـل قلـبـي بجنحـانـه
البلادي=
من شاف زين الثمر لـوّاح=بعيـد يرعيـه بأعيـانـه
لا زان وقت المصيف وطاح=ياخـذ حصـاده بأيمـانـه
ابن عاقل=
لو البحر يصـدق السبـاح=والموج مايخلـف اركانـه
ماكان عقب الهبوب ريـاح=ولاضـاع فالمـد سكانـه
البلادي=
كم فالبحر من غزيز بيـاح=يرميـك لولـه ومرجانـه
واليا بدالـك سعـد ذبـاح=مـا ينزلـه كـود ربانـه
ابن عاقل=
بعد انتهـى والمـوادع لاح=والقلب لازال فـي شانـه
وطبيبنا لو معـه مسبـاح=مقفـلـه كــل بيبـانـه
البلادي=
سبحان من يبري الأجـراح=الواحـد البـار سبحـانـه
نجواه جوف الظلام سـلاح=من زود فضلـه وأحسانـه