المشاركة الأصلية كتبت بواسطة عضيب بن هليل

إلى مجلس إدارة ملتقى حرب الرسمي

قالوا علامك ليش خاطرك وش فيه= ماتستجيب لمن رفع لك صواته
جاء وقتهم قلبي غدت به طواريه= لاتعاتبون المجتهد ياشفاته
أسباب ناس(ن) يجهلون المشاريه=و إليا بغاني يلزمن اشرهاته
يابعد فرجة رمعتي عن هقاويه= و كل(ن) حسب عرفه تبين ارمعاته
يانداء رايك يا ابيض الوجه عطنيه=وش حيلتك باللي عطيتك صفاته
لو ما أنت شاعر ودنا منك توجيه=ترى الدليله مايضــيّع اسراته
لو كل رجال(ن) مزاجه يقديه=ما أحد(ن) يبدل سيته بحسناته
أحد(ن) عن الواجب يذب المتاييه= و احد(ن) ورى الواجب تزود اخطواته
لو كل مايجري على الرجل يبديه= ياكثر ناس(ن) يفرحون بشماته
ناس(ن) طبايعهم تحب التشاويه =اهل النقيلي بين وده و هاته
اسلم فداك اللاش و اللي يصافيه=يافرحة اللي شاح لك في عباته