لا والله الا الصبر محد"ن" صابر=ولاعاد فيها يالرجال طواله
كلن يقدم فزعته ويحامي=من دون ربعه في يديه وماله
من لا يقف وقت اللوازم ماهو=واقف ليا جات المصايب جاله
ومن لا برد كبده وكبده حيه=لامات ماهو شايف"ن" من شاله
تكفون ياربعي وطالت راسي=ويادرع جنبي بالزمن واهواله
اللي يفرق بيننا ويغير=ويقول قولن ماصدق من قاله
واللي يحرف بالاصول وينسب=ناساً من ال وغيرهم من اله
هيسٍ مايظهر راسه الا بفشله=الذل طبعه والهزال جماله
ماله ذكر بين الرجال الندر=وعود على ربعه وجاب خباله
ياخيبه الراس الردي واللحيه= لاهو عزيز ولا كرام اسباله
قولو له القول الصريح الصامل=ودرسه يجيه ويلجمه بحباله
كل القبيله تقف صفاً ضده=ويصدَر عليه الحكم دامه عاله
يحجَر على المسفوه والا يطرد=والا عسى ما الله يعوض عياله
مايدري أنا حرب لامن قمنا=حظ الصديق وللعدو غرباله
حنا قبيله حرب نعم العزوه=اللي تنومسنا فعول الطاله
وحنا لنا الكلمه ومثله يسكت=لنه وضيع وضاع واهلك حاله
عرق الرخامه وسط راسه مبطي=لانال طيب ونعم ماقد ناله
حرب العزيزه عزوتي وحزامي=لامن كلن قام يمدح فاله
فينا الشجاعه والحميه عاده=والعز بعد الله نزود ضلاله
حنا رجالٍ بالخطا مانرضى=ومنهو يعاندنا تغيب لياله
وربعي قبيلة عوف طيب وفزعه=من خلقت الدنيا نفك القاله
أمجادنا بين القبايل تعرف=وتاريخنا مايختفي بجزاله
تاريخ ثابت والحقايق تخبر=أن الجبل راسي بجنب جباله
ماغيروه أهل الوجيه الودره=ولو طبلو محدن عطاهم باله
مسروح فزعتنا وحنا منهم=والكفو سالم عزنا برجاله
قلته وانا حمدي وقولي صادق=وزودن على ذالك بقول رساله
للي يتعرض عزوتي وربوعي=لابد من يوم"ن" واصير اقباله
أقسم برب البيت لو هو قدمي=أني لتله وأمسكه بعقاله
وأني لسوقه فوق وجهه حتي=يعلن لي التوبه عن اللي قاله
ولاعاد ينطق بالقبايل كلمه=ويصير دايم عبرتٍ لمثاله
يقولها من حرب شاعر عوفي=وقت اللوازم يفتخر بفعاله
جده سهل والخال مثله سهلي=حربي وساس العز منه وجاله