ياورع ياحري على ابوك ياورع = حبه شعف قلبي وحالي معنيه
سبحان رب ٍ خالقك شكلا وطبع =نفس الحبيب اللي فوادي مشقيه
ياورع قلبي من ملاقاه ماشبع =عليه قلبي يابساتة ٍ محانيه
مرالهجر من صاحبي جارعه جرع =ياورع لاتكثر هروجك وتطريه
ياشلع قلبي يوم تطريه ياشلع =شلعة نداوي ٍ من ايدين راعيه
اصد في عيني وتنثر له الدمع =والقلب الاقشر ماطرا له يخليه
هرجه ولو يزعل مثل حالي النبع =ولا الدوا لاجا على الجرح يبريه
سكن بوسط القلب واحتل له فرع =لا رايح ٍ منه ولاهو مداويه
ياليت لاهل الحب قاضي وبه شرع =واشكي عليهم من من جفاه وتغليه