المشاركة الأصلية كتبت بواسطة ســعود

بالجزل قم ياهاجس الشعر هلحين=جاوب جوابً جاك ممليه هوجاس
شاعر.. بيوته نفح ورد البساتين=حرك شذاها خافقي بين الأقواس
حبر المعنى سال.. يكتب عناوين=يدون الغربال بسطور قرطاس
الصبر ياخالد حزام النبيين=لولا جميل الصبر ماعاشوا الناس
يعقوب من حزنه على يوسف سنين=حزنه محى شوفه.. ولاصابه الياس
في محكم التنزيل حكمه وتبيين=للي يحس الحزن ويحس الأوجاس
سلامً من الله على حلف ياسين=قومً رضوا دعوة نبي الله الياس
رغم أن قوم الكفر ماهم براضين=صكوا على ربع النبي ناب وأضراس
ماينكسرعود الشجر دامه يلين=وليا قسى يحطب ويحرق وينداس
لولا سأل يونس سؤال الذليلين=في بطن حوتً يقطع اليم غطاس
يبقى وهو في بطن حوت البحر لين=يبعث جميع الناس من كل الأجناس
ناخذ من التلين عقب القديمين=درسن يقدينا على الدرب نبراس
قصة عزيزً دونتها الدواوين=يمشي بجنب الساس بأسباب الأنجاس
كم ذاق عود أدباس ضلم الموالين=أسنين لين أنجاه بأمر الله أدباس
هاذي هي الدنياء بلاياااا مضامين=كل يوم في مذهب..وكل يوم فالباس
والنفس مأحقرها اليا كبت الدين=ترقص من الحيره على كل مرواس
أسجن عنيد الغيض سجن المعادين=وأطلق سراح الحلم ينعم بالنفاس
لاباس ياقلبن حداء دمعة العين=تدمع على ماصار وتسيل لاباس
عسى يابوناصر فدك الرديين=اللي جذبهم لرداء عرق دساس
البوم بوم.. ولو كفخ بالجناحين=يبا يموت البوم ماصار قرناس