حي الهجوس اللي على ضرب الامثال=يختار منها در عذب المثايل
لامن نصيته حر لا فز ما مال=يملى يمين اللي به الوقت مايل
والشعر نظم الشعر هو مزن همال=وهبه من الله مثل غيث الهمايل
البعض يستوفي بوبله ولا سال=والبعض دون الوبل يجيه سايل
والمرء في دنياه لو شال ما شال=غير العمل فالاخره مو بشايل
والدرب تقصربه خطاويك لو طال=وطول الامل لو طال ما هو بطايل
و ألّو. للشيطان مليون مدخال=ومعاند الشيطان ذخر الدخايل
وان عاندك وقتك وبك ضيم ما زال=لا سرت مع ربك ترا الضيم زايل
والخير من يفعله له مثله الدال=مذكور فالأسلام خير الدلايل
هذي رسالة مهتدي فالزمن هال=يخاف ربه من نهار الهوايل