ســـــــــالـــــــــم الــــــبــــــشــــــري(العمده)=
سـلام حــرف الـذهـب نقـشـه=مـرســوم بـالـطـيـب ومـنـقـيـه
لــو غـبــت تبقـالـكـم وحـشــه=ياملتـقـى حــرب والـلـي فـيــه
قـــــــــابـــــــــل الــــــبــــــشـــــــري(الجمل)=
يـامـرحــبــا ودكـــــــم بـــرشــــه=وطيبك حجز فالقلوب أوكيه
نـهـديـلــك الـعــطــر ونــرشـــه=والـــورد فـــي دربـكــم نـرمـيـه
ســـــــــالـــــــــم الــــــبــــــشــــــري(العمده)=
مـاصـابـنـي فـالـوفــا دهــشــه=تـسـلـم لـنــا يـاجـنــاب الـبـيــه
زان الـلـحـن يـاجـمــل مَــشّــه=والـــدرب خـابــرك ماتـخـطـيـه
قـــــــــابـــــــــل الــــــبــــــشـــــــري(الجمل)=
مــن حـبـه الله فـــي عـرشــه=حـبـب جمـيـع الخـلايـق فـيـه
وعــلــمٍ عـقــدتــوه مـااطُــشّــه=ولـيـلٍ سريـتـه مـعـك سـاريـه
ســـــــــالـــــــــم الــــــبــــــشــــــري(العمده)=
صابـت سنـيـن الظـمـا رَشّــه=واحيت أمل ماارتوى ظاميـه
يـاهـل تــرى ينتـشـي ورشـــه=ولاّ يـضــيّــع جَــهـــد راعــيـــه
قـــــــــابـــــــــل الــــــبــــــشـــــــري(الجمل)=
الـلـي قصـيـر النـظـر غـشّــه=يــمــوت زرعــــه ولا يـجـنـيــه
ويـشـيــل بـعـدالـتـعـب قَــشّـــه=ومن كل مكسب يغسل يديه