يقول عبدالله :

مل قلبن في حياته ماتهنا = عذبه هاجوس وقته وانتحابه
كل ماقلت أله ياقلب ارجهنا = ماسمع قولي لو الساني حكابه
الهجوس تلوعه منا ومنا = كن في مهجت فؤادي شوك غابه
والسبب من راعي الكف المحنا = اشهد انه بالحشا مكن صوابه
كن قلبي صايبه رمح المثنا = يوم جاه الي عن اليمه غدابه
لينن عوده كما الغصن يتثنا = حل في قلبي وروح به انهابه
والعيون السود يوم يوصفنا = عين حرن طالع الجول وعثابه
شافهن من يوم بالجو اعتلنا = واعتلاهن وانزلن حدره مهابه
اشقرن حزت هداده ماتونا = مايخب ضن صقارن عنابه
ووصف عنقه عنق ريمن مستجنا = قايد الغزلان في عالي اهضابه
ذايراتن بالخلا مايرتعنا = بالمراتع بين وقفه ونقلابه
والجديل الياجلس حدره تثنا = وان وقف ليلن يضيع من سرابه
وجملة اوصافه حشا ميشبهنا = بأجمل اوصاف العذارى مايشابه
أشهدنه عذب القلب المعنا = هو دواه وهو عناه وهو عذابه
اتمنى مار لو قلبي تمنا = مايجيب اله التمني ربع جابه
الضروف القشر بالزين ابعدنا = المواصل دون خلي صك بابه
والعيون القشر عقبه يسهرنا = عن لذيذ طرفي مهتنابه
صابني عقب الفراق تقول جنا = والسبب معروف من حضرت جنابه
والنهايه قلبي الي ماتهانا = في حياته والسبب غرون غدابه

وســـــــــــلامـــتـــكم ,,,