المشاركة الأصلية كتبت بواسطة عمري الحربي

البـارحة ماهو بليل التعاليل = لو الفرح ساس العنا بالقضية
دام الثوابت تقبل القال والقيل = من يضمن العليا ويكسب خوية
اللي تبع شوال لايتبع إبريل = وللحب عيدٍٍ ضد عيد الضحيــة
ياموجز النشره كرهنا التفاصيل = والعذر واضح والمعاني غبية
هو كيف راع الكيف مايقني الهيل = والناس ماتحرص على الشاذلية
والعام لو ماتاجده بأول الليل = تحرص علـــية الفجر (ولّآ) ضحوية
مــاني معرضها لكثر التحاليل = ولاني مفسرها على كل نيــة
برقٍٍ لمع قلنا تصب الهماليل = ورعدٍ رعد وأفرح صدورٍٍ شقيـة
لكّن ماشفنا ولايذكر السيــل = ماشفت غير غبار دارٍٍ سنيـة
حنا نشوف ونعرف العدل والميل = والوضع واضح يالعقول الذكيــة
مــاني بقابلها بدرب التحاويل = وماني مطاردها ونفسي عَليّة
والله لجعلها سماح وتساهيل = ولاني بجاعلها دروبٍٍ رديـة
لكن من حسّب ترى يعرف سهيل = وإن غاب نجمة حسبتة فيه سية