شبيت ضوك جوف صدري وانا حي = احرقت قلبي مثل حرق الفتيله
يفداك ضو القلب والجرح منسي = اكليب حارب لجل عين الجليله
حطم دول ماكان يعلم ويدري = حافظ على وده وقاتل قبيله
انت ترى شعري وحرفي وقصدي = يعني احاسيسً فصدري جميله
لاوالله الا زود يابعد عمري = لاسلهمة فيني العيون الظليله
يغمى علي واتخيلك حلم وردي = ياحلمي الواقع ولابغى بديله
احتاجلك مثل النباتات لظي = ماعيش من فرقاك مده طويله
اذبل ولو نسقي عروقي من المي = هذي حكاية قصتي المستحيله
مرضى اكون انسان في عالم الغي = تايه مايعلم وين وجهت دليله
ان كنت مثلي ياخليلي تودي = حي العميل اللي وفا مع عميله
لك الوله والشوق ياخل حصري = مايستوي لغيرك ولا يستويله
افرح وزغرط وانشر العلم فالحي = قيس الملوح مايبي غير ليله
هذا وعد مني وفي سد وجهي = احاول ارضيكم على أجمل وسيله
مير الزمن قاسي وانا مثله اقسي = راسي ترى يابس ولافيه حيله
لاشفت نوض البرق فاليل يسري = قله كريم ارتاح لاتستخيله
وان شفت دمعي فوق خدي بتجري = لاتنشد عيوني تراك المخيله
ولاتنشد اشواقي ودمعي ولا شي = يمكن من اسباب الهجوس المهيله
داخل في وجهك ياضلوعي تغطي = قلب الاصيل اللي عشق للاصيله