آه.. منـهـاالخـطـايـا..مـرّوقت وغَـفَــنْ=واثْر برق الندم..بغيـــــومهن يِسـتِشـيط
لابرق في ظلوعي..والغيـــوم أرْعــدَن=والصواعق تَلاَحَــــق..والمشاعرخليط
وامطــراللــــوم عيــني..والحنـاياتِـخِـــنّ=وين اروح اسْـتِـكِـنّ ومن بهمـي يحيــــط
خيلي اللي كُــبَـنْ..وسـيوفي اللي نِـبَــنْ=والخســـاير..غَــبنْ يوم استعيدالشريط
يــوم طـاوعت نـفسي مـاقضبت الــرّسـن=والهــوى سـاقـني.. يفتـق ولامــن يخِـيـط
بي غــرورالشباب..وكل عصــري فِـتَـنْ=مـن يقـــول إنّ حكـم النفس هـين عبيــط
أقتل الــوقــت وابني..في خيالي مــدن=وابنـي أسوارها..واهدّهاحَيـط حيـط
كم عَسفت الحــروف وعمرهـن ماغَــزَن=كم دعست الظروف وقلت مالي غليط
قلــت..انـاالـعــاشـق الـفـتـان والمِــفـتِـتن=والحـكيــم بزمـــاني وان بحــــري غـــويـــط
واشعـل الشــوق نيران بخفــوقــي سَـــرَنّ=يعجب الخَـبْط ناس.وناس صـوت الخبيط
وافْـتِل حبال صبري في ضروس المِـحَـن=وانْـــحَــراليـأس حَـــدْري واتعلـق بخيـــط
والقصــايـدبعضها..لوشكــت من دَرَنْ=ماشغلني لسان الحـــرف لــو..هـوسليـط
يمكــن إنـي انانـي..وانكـفـيـت بركــــن=اعشـق الـــوردواهـدي زهــرة القرنبيـط
آه.. منـهـاالخـطـايـا.. مـرّوقت وغَـفَــنْ=وانسرق نــص عمــري مثلـهــن في غطيـط
تبتسم لك نفــوس وهي خـزاين حِـــزن=وان بكت عــين شـاعرضاع فيهاالمحيط
في حيـاتي..وغـــيري للخــلايـق سـنن=مــايفيـدالحَــذَر..من طول عمره حويط
ليت لابعادنفسي..في قصيـدي وطــن=لوتمثلــت شعـــري..كان همي بسيــط
باقي الفرصه اللي ماسرقهاالــزمــن=نفسي..وربهامن دون شفعة وسيـط