المشاركة الأصلية كتبت بواسطة سالم العرم

بعض الرجال الله يجيرك مغثه = مغثتن يدبل كبود الرجاجيل
وان جيت لدروب المراجل تحثه = تلقاه ما عنده على قطعهن حيل
وان شفت شكله زين والجسم جثه = تذكر رقبة الزرافه مع الفيل
ياللي تبث العلم بالله بثه = وعلم به العربان جمله وتفصيل
ان الردي ماهو بتربيت الانثه = كم حرمتن ربت رجالن مشاكيل
المشكله لصار بالعرق عثه = والله ما يخضر ولو ناشه السيل
تم الكلام اللي كتبته على اثه = وعساه من جيلن يوصل على جيل