بخيتان =
انكان باقي في راسك حب = ابطحنه لك يابن عيد
تعال من دون لا تغضب = كانك لعزف الحون تجيد
ابو عيد =
جيتك وانا مستعين الرب = ياللي لنا معلن التهديد
لكن احرص معي تنشب = ماني لا ماتبى وتريد
بخيتان =
حجة تدور بها مهرب = خذها نصيحة معي ماتفيد
اما يجي للمثل مضرب = والا التوالي بها التحديد
ابو عيد =
خسران يامن تبى تكسب = لكن عن مانويته هيد
ماشي قدامنا يصعب = لاعاد واني عليك اعيد
بخيتان =
عن الملا الشمس ماتحجب = ياحاجب لنّورها باليِدّ
ماعاد لك فالمسائل طب = تعيد فالقول والا تزيد
ابو عيد =
من قولك الآن مستغرب = ماحاز شرحك على التأييد
لجل ايش تبعد ولاتقرب = وتزيد تعقيدها تعقيد
بخيتان =
صحيح من يسمعك يعجب = تُوهِم لكن فالحقيقة تحيد
الناس بعقول لاتحسب = ياللي في عِكر المياه تصيد
ابو عيد =
اللي على النور مايغلب = مهما تفننت فالتسديد
مابيننا جو متكهرب = والوضع محتاج للتفنيد
بخيتان =
مانتا على منت 0متقلب = صادرك مايوازي التوريد
يتجنب اليوم يآجنّب = ماعاد يبغالها تمديد