البارحة كني على حدود مدريد=يوم العرب كلن تهنى رقاده
نوبن مع المسيود ونوبن مع السيد=وكلن يبين حجته بإجتهاده
أخذت لي برهه من الوقت تحديد=بين المرار وبين سكر زياده
شعر الكحيلة ما تجيه المناقيد=يا الله عساها بالهنا والسعادة
مهما نكرر بالاشادة لك نعيد=صح الله لسانك على كل عاده
كلن شهد لك بالقوافي بتمجيد=شعرك عذي(ن)يستحق الاشاده
خضتي بحورن مالفاها قواصيد=وجبتي بيوتن مالفت فيه غاده
ماكل من رام القوافي لها يصيد=غير الذي دايم له الصيد عاده
يا اللي بيوتك شامخة شمخت الحيد=حبكٍ وسبكٍ والقوافي إجاده
نوبن كما طلقات مشط البواريد=ونوبن بها اللؤلؤ وعقد القلاده
شعرك رماحٍ مع سيوفٍ بواليد=شعرك حروفن للوفاء مع مداده
شعرك عجيب وفيه ليل التناشيد=شعرك نسيم الصبح ونسمة براده