يالصاحب اللي من رجالٍ لهم صيت=العلم جاك وخوذ لبه وقشره
ليا بغيت تعمر وتثث البيت=الكهرباء لاتصير مية وعشره
تبلش بخط الاجهزه لا أستقريت=الجهد ماينفعك ربعه وعُشّره
أحذر تغالى التكلفه لاتقضيت=ليا لقيت الأصلي الغالي أشره
لايغرك الإعلان عن ساطع الليت=ولاتستمع في كل موجز ونشره
أنصحك وأنا بالحقيقية ما عانيت=نصيحتي من باب خوه وعشره
اشره عليك ليا تجاوزت وأخطيت=وعلى الردي بالذات ماوالله اشره
هذا كلامي وإن زعلت وتعاليت=ترى التعنت بعض الاحيان دشره