خالد عبيد الاحمدي=
سلام من نفـس لوّامـه=ضميرها صعب مايرتـاح
تشكي من الوقت منضامه=ومثلك عليه السدود اتباح
القناص 2020=
ترحيب من نفس فهّامه=بالهم والغم والافـراح
تعالج الجرح واسقامـه=لابينة سبة الاجـراح
خالد عبيد الاحمدي=
انته كفو حازم احزامـه=راعي عزيمه وفيك اكفاح
ولاودي تخـش دوّامـه=الجرح بيتعّـب الجـرّاح
القناص 2020=
سلمـت ياعالـي الهامـه=ياكاسب الطيب والامداح
نفسي على القول مقدامه=هات الذي في ضميرك لاح
خالد عبيد الاحمدي=
من طاوع ابليس فهيامه=ماضنتي حيرته تنـزاح
نفسي لما فـات ندّامـه=وليت النّدم بذرة الاصلاح
القناص 2020=
كلام من شيـخ علّامـه=لاهل الوفا دايماً نصـاح
ومن لاتعلم مـن ايامـه=ضاعت حياته بدون ارباح