ملتقى قبيلة حرب الرسمي - عرض مشاركة واحدة - ديوان الكحيله للشاعرة كحيلة حرب

ليت السعاده تنشري با أغلا ألآثمان
وادفع بها لو الثمن كان ..روحي
هديةٍ للي سكنٍ وسط.. ألآعيان
ماودي إن الوقت معه. شحوحي
مرضى عليه من النكد وين ماكان
لو مرته نسمة ..هبوبٍ.. لفوحي
ودي يعيش. بدنيته دوم سلطان
ناسي همومه بين ضحك ومزوحي
يخته يسافر به على كل ألآوطان
محد يحاسب وين وده.. يروحي
مرة يصيف بين قبرص. ولوزان
ومرة على كرواتيا ..بالسفوحي
يعيش في دنياه بهجات الألوان
والهم نازح عن .مجاله .نزوحي
له الغلا سيّس. وشيّد ..للركان
في موقعه مثل الجدي بالوضوحي
اسقى ورود الشوق من مزن هتان
يادوب برقه في.. متونه. يلوحي
وسكّر عليه ..القلب ثمان. بيبان
مفتاحهن نظرة.. محيا .سموحي
يفداله .. القاصي. ويفداله .الدان
هذا الشعور أللي صدق به نصوحي
ماحط دونه اي .مخلوق .و انسان
صادق احساسي ينشره حرف بوحي
زينت له حرف . ألمثايل ..بتيجان
وحفرتهن على صخر منه.. لوحي
تريحو. ياللي.. تقولون ..بهتان!
ماني بسامعةٍ لكم ..صرت موحي
لو يرجع الميت عقب لف ألآكفان
ماهزت. . رياح العذل.. لصروحي