سعود هليل الزويهري=
يسعد صباحك يا بن محسن = اسلم وسلم على ابراهيم
وش بصركم يا رموز الفن = القلب مايقبل الترميم
بيان الصمت=
ترحيب ياطيب المعدن = عقاري صادر من التعليم
جود قواعدك ما امكن = للجرح زين الكمر تدعيم
سعود هليل الزويهري=
دام البقاء والسواير قن = مخرج وفنان فاالتصميم
دن الجفا من نصيبي دن = والعين تردف سوات الغيم
بيان الصمت=
في حالتك ناخذ الأضمن =علاجك طبيعي مع التنضيم
والطب ساسه في حسن الظن = وابعد عن الشك والتوهيم
سعود هليل الزويهري=
ماهو شكك مير صابه جن = يومين زايد عن التقويم
أنساه يا صاح لا أبدن = منساه في داخلي ومقيم
بيان الصمت=
مادام حد الحرم مسكن=بين الشرايع إلى التنعيم
تاخذ نواياه بالأحسن=والحد يستوجب الترسيم
سعود هليل الزويهري=
أقمت من بعد ما أذن = وأذنت من بعدها واقيم
لو تعلم الحد ما ترطن = اللي نوده تعدى القيم
بيان الصمت=
تاتي الفتن حيث ما تفطن=بين المشاريع والترقيم
بعد الحرم كان لك موطن=فالحل دون الأمان مقيم