ماعادبه شلفى ولا عادبه خيل=لاكن صك الباب من دون جارك
ياللي على الفتوى نبى منك تحليل=والعلم عنده الله ونبغى قرارك
البنت تشكي همها لرياجيل=وتقول انا ودي اسوق السدارك
ابوي شايب بس ماعادبه حيل=عنده مواعيد ٍ وشفها يسارك
وش فرق مكه عن ديار البرازيل=يوم النساء فيها عساكر تشارك
اتحل وتربط ماتعرف المعاميل=وما تنفخ وتطبخ مثل بنت دارك
والله ظلمتونا دموعي هماليل=ابي احقوقي لايطول شجارك
يابنت ياللي تسمعين الاقاويل=لحظة دقيقه قبل يكشف سمارك
تبين حريه وليلك غدا ليل=تبين رخصه والقياده منارك
طيب حسبتي لشرف والمهابيل=اللي تشطب كل يوم ٍ جدارك
طيب حسبتي للخلل والتعاطيل=من دون منفوحه وغايب نهارك
والزوج نايم مايرد المراسيل=وذياب بقعا تهتوش وتعارك
اسمعي هرجي ولاهو بتقليل=من قبل ندخل في زمان المعارك
مكه بها كعبه برك دونها الفيل=والنمسا فيها كل باطال بارك
ربي حما دينك بطير الابابيل=وانتي على دينك حذفتي حجارك
يابنت حقك فوق روس الرياجيل=خلي سفيه ٍ كل قصده دمارك