المشاركة الأصلية كتبت بواسطة ولد شمر

ياميت الحس لاتقتل بقايــــا زهــــــــور = عاتب ضميرك عدوك وين تحسيـــــبــه
ياشوق أحترت كيف أبلغك في سطـــور = دام انت معدوم حس ولا انت تدريبــــه
الله أكبر عقب مالك مدارك تثـــــــــور = اليوم عندك شروق الشمس تغريبـــــــه
الآدمي موته أهون من ممات الشعــــور = أنا أشهد أن المشاعر موتها أكبر مصيبه
الميت في غيبته تعزى هله بالحضـــور = مير البلاء أحساس ميت من يعزيبــــــه
عزاك بعض المصايب للأوادم طهــــور = اصبر ولو تقتلك حسناك تعــــــــــــذيبه
وأنا تراني على ماجــــــاك ماني سرور = الله يعلم بنفسي وش مكاسيــــــــــــــــبه
بتركك للي على كل المســـــــاوي غفور = ربٍ رحيمٍ يجيب دعــــــاء مطاليـــــــــبه
سبحانه الواحد المرجع بكل الأمــــــــــور = يأمر وينهى وكلٍ في مكاتيـــــــــــــــــــبه