حفيد الحجيري =
ســـــلام لــكـــن قــبـــل ردّ الـســلامــي = حـضـرّ هـنـا يــا عـزوتـي يـــا بخـيـتـان
حضرّ هنـا والنـور يجلـى الظلامـي = والبيت ما يبنى على غير سيسان
بخيتان البشري =
يا مرحبا لبيه يابن الكرامي = حسب الوعد ناتي لداعي كحيلان
جيتك وانا سامي ولبيت سامي = ومجودين الساس مع طول الازمان
حفيد الحجيري =
دام البقا يا مسندي يا حزامي = عدد مخاليقه من الإنس والجان
العلم أبي خوتك والدرب شامي = سد النفوذ وسد الاردن وعمان
بخيتان البشري =
يامن على درب الوفا حر حامي = والطيب يلقى بك مع الناس مزبان
جيتك وانا خوتك غاية مرامي = دايم على الحروة لخوتك نشطان
حفيد الحجيري =
ذي هقوتي في حرب والا سلامي = ما خابت الهقوات فالطير شيهان
أسمع هناك الوضع بلحيل حامي = رغم البراد اللي ينسنس في لبنان
بخيتان البشري =
ماخيب الهقوة رفيع المقامي = ولاتعتلي هامة بها الظن خيبان
فالشام ياكم ارتوى حي ضامي = وأنا على ذاك الروا حيل شفقان
حفيد الحجيري =
اللي ما صدرّ من عدود الهيامي = راوي .. لك الله ما أرتوى دوم ضميان
وجدي على اللي لا ألتثم باللثامي = طفّى لثامه داخل الجوف نيران
بخيتان البشري =
بعد البدو واهل البراقع 0حرامي = بالودّ ماتشقيك لدة بالاعيان
وانا شدادي فوق راس السنامي = آرد واصدّر صافي العدّ رويان