المشاركة الأصلية كتبت بواسطة عذب المراوي

	الموهبه تخدم القصاد = وترجع على قوة استاده اما في قوُ المعاني زاد = والا بهشاش المثل زاده للشاعر المفردات جياد = وحروفه رسان لجياده صهيلها فساحة النقاد = يطرد عن الناقد عناده وياليت - يامعاصر الرواد = ماترد - للقيل رواده والرايد اللي بقي ياستاد = ردوه عن غاية مراده

مازال رصدي هنا فالماد=ونهجك معه قارب لماده
لا بد ساس البنا ينقاد=في دولجه نبخن أَبْعاده
وردّي مدعم وله أرصاد=ماشي على ناتج أرصاده
القيل يُبْدع وله حصّاد=يرجو ثمر من سنا اسناده
وحاله غدا بين حي - وباد=والحي - ضعفه طغى إيراده
هذا الذي يا عزيزي ساد=وساء للقيل ما فاده
وصار هذا الامر معتاد=ما حد سعى فيه لحياده
ويقصر كلامي عن اللي جاد=في بنيه وساير أنداده
إبداعهم للفكر ميراد= يلقى به العذب ورّاده
والكل باللي تميز شاد=ما يهضم الحق رصّاده
للقيل لازم جهد واجهاد=ما نتركه لحسد حسّاده
موروث لازم عنُه ينْذاد=بودنا وعزمنا امداده
واللي عن القن تخطى وحاد = الذوق يصبح من اضداده
لو كان رايد عريق أمجاد=لازم يجازيه بابْعاده
وله ما رأى برؤيته ماراد= ما يقصره لحد ما راده
ياليل ما أطولك فسهاد=تبغى لذاك الصفا انجاده
وحزنك على اللي مضى يزداد=وتخشى على الحاضر الحاده
يا خوف نعلن عليه حداد= وهزله الحس يعتاده