@ مطرز الحرف
إليك ياصاحبي ضوضاء *** جاتك من القلب شكواتي
عيا الدواء لايفيد الداء *** من جرح وسط الحشى عاتي
@ ضوضااااء
عطفاً على اللي إلينا جاء *** اللي طلب من علاجاتي
وش مرتبط به من الأعضاء *** اللي الشكيه من تأتي
@ مطرز الحرف
الحمد لله على مايشاء *** مالي فكتبه إعتراضاتي
بس إنت كملي الأجراء *** حتى تبيين كشوفاتي
@ ضوضااااء
يظهر لنا في خطك الإعياء *** واظنها أسقام ليلاتي
إنسى الألم وأترك اللأواء *** جرحك بطول الفكر ذاتي
@ مطرز الحرف
للقلب خايف يجيه إلغاء *** من سبة الجرح واهاتي
وإنت معي تخلف الآراء *** عيد النظر في معاناتي
@ ضوضااااء
مالي فخلف الكلام إبداء *** ولالي غرض فالإساءاتي
أفيدني كان تبغى شفاء *** أو أصطبر بالجروحاتي
@ مطرز الحرف
محشوم وراياتك البيضاء *** تحسب على بيض راياتي
ومادام ربي عطاك إعطاء *** علماً وتعرف إجاباتي
ذا شي واضح بدون إضفاء *** يكتب على سطور صفحاتي
بالصوت كل مارفعت إنداء *** يستائلي حس نبراتي
@ ضوضااااء
يومٍ جينا وسمعنا أصداء *** نذكر بها طيب من ماتي
سعده سعيّد طلع بأبناء *** بين الصلاه والآذاناتي
والصوت نعمه من المعطاء *** داءه من الكيف نفثاتي
يهنالك المسك في بطحاء *** مرفوع بأعلى المقاماتي