برق المعاني=
سلام لأهل المعاني حـار=في ساحة الشعر والمعنى
وما دمت واحد من السمّار=نبغى معك قاف يجمعنـا
مـاجــد أبـومـديـده =
ترحيب عن جملة الشعّار=للـي يردنـا منابعـنـا
وإنته مخيّر فمـا تختـار=ما دام يطربـك طالعنـا
برق المعاني=
عسى البقا يا العزيز البار=يا اللي بالأمثـال تمتعنـا
ياما شكينا معـه أمـرار=والحـظ عيّـا يطاوعنـا
مـاجــد أبـومـديـده =
البِر مخلوف في الأبـرار=ومعهم للأسباب سارعنـا
ولو في حلاوه بليـا نـار=حظوظـنـا ماتمانِعـنـا
برق المعاني=
مشيي معه بالمثل سنجار=ومشيه كذا بالمثل معنـا
واليوم قفى بدون أعـذار=وش يجبره بعد ما تعنـا
مـاجــد أبـومـديـده =
إنتوا تقاسمتوا المشـوار=وإستمتع الكُـل وإتمعنـا
لايكون في رجعتُه معـذار=ويقنعـك قـدام تِقنعـنـا
برق المعاني=
اخاف مع سابق الإصرار=قفـى ولا عـاد يسمعنـا
والوقت من عادته غـدار=ضيّـع دليلـه وضيّعنـا
مـاجــد أبـومـديـده =
الشك ما نقِّرّ بُـه إقـرار=وكم ضرّنا الوقت وِنفِعنـا
لازِم تحضِّر دليل يشـار=للصالـح العـام يدفعنـا
برق المعاني=
طال الهجر والدليل إحتار=عليـه تـذرف مدامعنـا
نسهر مع الشوق والأفكار=وزادت علينـا مواجعنـا
مـاجــد أبـومـديـده =
عقب الدراسه والإستفسار=ومـن تجربتنـا لواقِعنـا
أقول حبل السعو هـودار=ياصـل بنـا لامطامِعنـا