انا كل مايبدي علي النهار اشروق=يهيض هجوسي طلته والشعور اتوق
ابا اقول والجمهور يفهم وعنده ذوق=وانا ماتكلم غير من قلبي المحروق
همومٍ بقلبي ياجماعه تسوقه سوق=وهو قبلها ماهو بخالي وفيه افتوق
انا حدني وقتي على فتحة الصندوق=وانا اضن مايقدر على فتحته مخلوق
لقيته بسيط وصار قفله ماهو موثوق=ولاشفت له حارس ولاشفت حوله طوق
ماني عدوٍ له ولا ني براعي بوق=ولا احدٍ جلب بيضه على راعي المسلوق
وانا ماكسرته فاتحه في هدو ورفوق=لاكن تبين للجماهير هضم حقوق
انا بليت وكيف نصبر على مطفوق=ماهو بطيرٍ ينتضر عندي المعلوق
وقال المثل لابد مايلحق الملحوق=وهنا اختلف واللي لحق يعتريه العوق
حبيت ابين والمعلم ماهو مفهوق=عن الخطا يعصم محمد وربٍ فوق
سمعنا كلامٍ كن في نبرته مخنوق=كبير الاذاني والمرض منتشر بالموق
وصرنا كما اللي مبتلش في حنين النوق=يحسبه سقاها مادرى حوضها مشقوق
ونا احمد الله ماتوصل لمسك حلوق=واذا رجعنا للبدايات جمع عروق
تقدمت في طاروق في داخله طاروق=يحمل مضامينٍ كثيره ماهو مسبوق