المشاركة الأصلية كتبت بواسطة الكحيلة

يذوب قلبي كل ماحل طاريك= مثل الشموع إلى اونست واهج النار
ياود في حروف المثل صرت أعليك=انشهدٍ ودك على القلب جبار
ان قلت لك ياود بالحيل مغليك=والله ماناصف ولا ربع مقدار
وان قلت لك ميت وّله في حراويك=تسابقت لجلك حروفي والاشعار
كل الحروف تقول لك شوق لبيك=يفرح بكم حرف/ن/من القيل نختار
انت الغلا كله ولافيه تشكيك=اكبر دليل أدموع الآعيان عبار
سود المحاجر في رجاء الوصل تبكيك=كم ليلةٍ عنها لذيذ الكرا طار
ما مر يوم وقلت أنا فيه ناسيك=متمازج/ن/طيفك معي مثل ألآبصار
من وين مالديت كني أراعيك= تكررت صورتك في كل معبار
صارت زوايا مهجتي من موانيك=ترسي بها سفنك موده للبحار
وأنا على موج الغلأ في شواطيك=تصفقني أرياح ألغلأ مثل محار
أفرح إليا شفت الرمل به مواطيك=أقول ياليت الغلأ يمر زوار
أوتلتقطني لحظةٍ بين أياديك=وهديك لؤلؤ من حروفي وتذكار
مكتوب فيها ميته يا الغلأ فيك=ومحفورٍ/ن/ اسمك سر من ضمن ألآسرار
لو مت تبقى معك ذكرى تواسيك=لاشفتها تقول كان الغلأ وصار
وتذكر ودادٍ ما طلب غير يرضيك=ويشوفك أسعد شخص في كل ألآقطار
تمت وأنا من جزل الامثال بهديك=قصيدتي شعرٍ مثل باق ألآشعار
لكن ميزتها بها سر ماخفيك؟=حاول تشوفه وأنت لسر سبار
اسمك كتبته وسطها قدم عينيك=واللي يتحداني لا هالحين ماصار!؟

كحيلة حرب=