المشاركة الأصلية كتبت بواسطة محمد عبدالله البدراني

الا ياقرة عيوني علامك = تعاتبني وانا مدري علامك
وانا احبك ولاحبيت غيرك = ولا والله يجهلني مقامك
رفعتك فوق كل اللي اعرفه = وصابتني على المهجه سهامك
خطاي اني معك وافي وصادق = ويسعدني ليا شفت ابتسامك
سعيت الـ فرحتك وازعلت غيرك = ونسيت الناس واشغلني هيامك
وبعد ماشفت مني الحب كله = تحسب اني باشارة من بهامك
ابا اغير مساري في حياتي = وابصبح قيد امرك في لجامك
تبي تلجم ال فكري والكلامي = وتبي امشى بطوعك وبمرامك
تبيني ظمن تفكيرك وامرك = وانا مااطيع لو يكثر ملامك
حبيبي لاتعاتبني كفايه = كفاني ماجرالي من غرامك
الا ياروح روحي ياحياتي = يكفيني مع الشك اتهامك
ونار الغيره اللي بك توهج = تراها تقتل الحب بكلامك
فلا تحسبني ان جاملت غيرك = احبه او حظى بربع اهتمامك