الرايس=
اعــدادوبــل الـمـطــر واضــعــاف=مـــن حــــرف تـنـطــق بتـهـذيـبـه
ســـــلام يــاحـــرب وابــغـــا قـــــاف=إن كــــــان تـسـمـحـلــى ابــديــبــه
حرب=
عاجـل وفايـق عـن الاوصــاف=مــــــن حـــــــر يــكــثـــر تـراحــيــبــه
يـامـرحـبــا واصــعـــد الــمــشــراف=حــــرفــــك حــــروفـــــي تـحــيــيــبــه
الرايس =
عسى البقا واسمع اللى خاف=تــرمــيــه الأشــــــواق فـمـصـيـبــه
اجـهــز غـرامــه عـلـيـه وشـــاف=شــــتــــى الــوســـائـــل بـتــعــذيــبــه
حرب=
ادري عن الشوق لامن حاف=قلب الفتى . وش يسويبه
لكن وش غير الميلاف=واخلف عليكم تراتيبه
الرايس =
كل ما بغيت اغترف مغراف=يـاحــرب مـــن عـــد يـاطـيـبـه
تدخـلـو فــى صـفـاه اطــراف=وعــكـــرو مــــــن مـشـاريــبــه
حرب=
ياللي عيونك على الاهداف=مـصّـبـح بـهـمـك وممـسـيـبـه
خـلـك مـثـل مـاجـد الـهــداف=اتــبـــع اسـالــيــب تـسـحـيـبــه
الرايس =
ياحرب عشقـى تعـلا ونـاف=واشــــرف لـعـالــى مـراقـيـبــه
واليوم اشوفه على مهياف=وش عندكـم حــل توصيـبـه
حرب=
عشقك لايوصل الى الاتلاف=وهـــذا الـــذي مـنــك محـريـبـه
لازم تشيـلـه عـلــى الاكـتــاف=ومـثـلــك مـايـجـهـل مـواجـيـبـه
الرايس =
عشقى ولالى عنه محـراف=يــاحـــرب والــكـــل يــدريــبــه
لجله لقيت العذاب اصناف=مـن نــاس تسـعـى لتغريـبـه
حرب=
عندي ثقه جملة الطوّاف=يصعب يجي يـوم تغديبـه
مايغربـونـه ولــك مـيـقـاف=فـي جانـبـه لـجـل تقريـبـه