جزل المعاني والبيوت القويه=اكتب بها شعري واصوغ الابيات
من منهج التوحيد لي وعليه=واجب حدود الشرع ماتصير هفوات
لونكتب المعنى على حسن نيه=لازم نميز هزلها والجزيلات
لاذي مثل هاذي ولا ذيك ذيه= فروق مابين المعاني شسيعات
وقيل الكحيلة غير عن العبيه=الفرق واضح بالسبق للأصيلات
ومارد ماكتب يوم يشهد عليه=في لحظة مافيه للأهل فزعات
غير العمل واللي كسبتة أيديه=يارب جرنا من ذنوب/ن/وغلطات
انته كريم وطالبينك هديه =تغفر ذنوب اللي خشع لك بركعات
عبدٍ ضعيف ويطلب المرحميه=اجزاه في جنة عدن فوق جنات
أليا عطيته نعم هاك العطيه = ينسابها دنياه وأيام عسرات
ولاله حسايف في حياةٍ رديه= مخلدٍ في جنة الخلد مامات
يلهو بها ونفوس اهلها نقيه=منزوع منهم حقد كل الحزازت
ارواحهم مثل الطيور البريه=على غصونٍ خضر رطب ٍ نديات
يا رب تغفر زلتي والخطيه= قبل الوداع اللي فلا فيه رجعات
يومٍ كلٍ صار يبكي عليه = يمسح دموعة والمحاجر غريقات
احد بكاني صدق وحد كذيه = هلت ادموعه بس ماهزت الذات
ماحس في الا عزيزٍ ودنيه= الله يثبتني هكا ا ليوم بثبات
واجاوب السوأل في مقدريه= وانسا حياةٍ كلها الآم وأهات
وترتاح نفسي والمشاعر رضيه=في قدرتك يارب سبع السموات
وعلى النبي اللي بعث مرحميه= صلو عدد ماتسجدالناس سجدات