عنيد الوقت =
ابرسلُه مع سَبوق الخيل = يسبق غرامي واشواقي
سلام عطرُة بريح الهيل = رايق ويرقى الى راقي
بارق برق للمعاني وخِيل = ضوُة ّتفتق فاعماقي
يوم امطرت والحروف اتسيل = وهدّاجها للورق ساقي
تّربعت يابسات القيل = واينع ثمرها بما لاقي
لكن آتاها جراد فليل = حصد زَهرها وكم باقي
وردة اتباكى على الإكليل = اللي جمعها مع اوراقي
عندك آمل يا (حكيم) الجيل = ولاّ كذا قسمة الشاقي
من الماضي =
يوم الشواهد قلوب تميل = تقدير مصيون بوثاقي
ترحيب يحمل لك التجليل = مثل النهر عذب رقراقي
تتعب فلول الجراد فنيل = مايحبط آمال مشفاقي
لو نابها فالورق تحصيل = يبقى الجذر ماكن وتاقي
ومهما انفقد من زهر او حيِل = مابين يانع وتوّاقي
تبقى رياضه لها تبجيل = بطموح من دونها واقي
لاصانها .. بالجهد والحيل = واروى الجذر نبعه الناقي
يضوي بنور الأمل قنديل = يهنا معة بالذي هاقي