اليوم ياشعري ابي منك ميقاف=وقفت عزومن ما تثنا عزومه
وانتا كفو ماحولك قصور وخلاف=وافي ولك عند المناعير سومه
اليوم انا برفعك في راس مشراف=عند الجويد اللي رفيعه سهومه
غالي ابو نايف ويانعم الاوصاف=سليل مجد وكل مجدن يرومه
حرن ولد حرن ونعمين الاسلاف=وليا اسندت للخال ماجاه لووومه
حرن تصدي للردي ربع الانصاف=اللي دلايل شيمته في علومه
في كلمتن بين بها خبث الاهداف=من خبل مندز في خشاخش هدومه
والكلمه اللي ناقصه دوم تنعاف=بومه وتبقا دايم الدوم بومه
سلمت ياغالي ولاقولها اسراف=كفيت عن ربعك بكلمه محزومه
حرب الحرابه مالها ند واوصاف=هذي حقيقه والحقيقه محسومه
دوحه تعدا ظلها حد الاطراف=يا ما التجابه كل امه محرومه
وياما التجا فيها مشايخ وعرّاف=لاجا نهارن فيه يومي ويومه
امه لها تاريخ واضح وينشاف=يوم الردي قسمه عراميش ثومه
وصلاة ربي عد من حج واطاف=علي نبين خير الامه وقومه