طال السفر والشوق صاير مسافه=ياكيف ابوصله وانا حيل مشتاق

زاد الحنين وزاد دمع العيوني=وزاد الرجا والشوق يثني تحاياه
لعيون بنت ٍ تستثير الشجوني=زين وعقل في وقتنا صعب تلقاه
فيها دلع ملموس وعدة فنوني=وفيها تواضع زايد الشيخ وابناه
تاخذ من القمرا محلن ولوني=يعني ليا غاب القمر مافقدناه
وتاخذ من الاطفال قلب ٍ حنوني=طفل ٍ رفع يده لحضنن تحفاه
وتاخذ من الايتام حسن الظنوني=اللي غلط عمه وتضحك شفاياه
يذكر زمان ٍ جاه عمه بعوني=ويذكر سهر عمه ليا قال ويلاه
ثم ضم عمه ضمة ٍ ماتهوني=يبكي على صدره وعمه تضناه
ياويش اوضح في غزال ٍ فتوني=وياكيف قلبي قال بيت ٍ وغناه
وجدي وجود العود وسط السجوني=واطيب عياله فالسجن مابعد جاه
عايش على الذكرى وكلمة يجوني=ومرت ثلاث اسنين وخابت نواياه
لاغاب خلي فالبقيع ادفنوني=ثم اكتبو سبة وفاتي بفرقاه
ياهل الهوى من له قلب وعيوني=يقرا قصيدن خافي اليوم معناه